Neeeiiiiiiiiiiiiiiiiiii...

NEI! Hollenskt ár. Tími fyrir appelsínugula fótboltabyltingu, loksins. Já.

Bannað. Engin meiðsli.

*afneitun*

Robben ekki með Hollendingum

Sem betur fer!

Þar sluppu Bandaríkin fyrir horn. Ekki gef ég mikið fyrir karakter Hillary Clinton. Hef verið að lesa NYtimes, Washington Post, Reuters og MSNBC nærri daglega síðan í byrjun janúar að fylgjast með - og alveg óskaplega hefur þessi kona sloppið með mikla skítahegðun. Fær algjörlega frían passa á flestri slæmri fréttaumfjöllun á íslandi, og mjög stórann í BNA.

Obama verður fínn forseti, breytingaskeið framundan í bandaríkjunum. Vonandi velur hann Janet Napolitano sem varaforsetaefni, mitt persónlega val, en um marga góða að ræða. Síðan tekur einhver betri kona en Hillary við kyndlinum.

Orða þetta nú bara eins og einn fréttaskýrandi í bandaríkjunum sem ég las grein eftir í dag: "there were two things missing from Hillary Clinton's campaign: strategy and integrity".

Aka, good riddance. Til hamingju Barack Obama.

Clinton mun játa sig sigraða

Íþróttaandi

Þetta kann ég svo sannarlega að meta. Sannur íþróttaandi hjá honum, aðdáunarvert og mættu margir taka sér hann til fyrirmyndar.

Ef allir hugsuðu nú bara svona...

Michael Johnson ætlar að skila gullinu

Jááááááááá

Alminnilegt! Rooney og Giggs sýna hvað í þeim býr, djöfulli var þetta sætt - titillinn innan seilingar!

Koma svo!!

Manchester United er enskur meistari 2008

MBL segir ekki alla söguna.

Sem oft með fréttamiðla í þessari keppni er sjaldan öll sagan sögð, eða stórum hlutum af henni. Allir virðast þeir, viljandi eður ei, sleppa stórum hlutum. Les ýmsa útlenska miðla á hverjum degi þessa dagana þó nokkuð, enda stór áhugamaður um bandarísk stjórnmál.

-Ástæðan- fyrir að Obama er að fá meira af pening er sú að hann er með mun stærri og sterkari grassroots hreyfingu. Sama ástæða og hann vinnur öll caucus-ríki. Talið er um að slík eining meðal kjósenda, nýrra kjósenda sé eitthvað alveg nýtt í bandarískum stjórnmálum. Hvort sem er ríkir eða fátækir flokkast fólk að til að gefa honum pening og segir frá því stolt ásamt rómuðu línum kosningabaráttu hans, "Yes we can!". Las bara seinast í gær pósta frá fólki sem ætlaði að BORÐA MINNA í mánuðinum til að hafa efni á að gefa honum, og aðrir sem ætluðu að kaupa minna af bensíni til hitingar á húsum sínum... og unglingar að selja ipods og fleira á ebay til að safna pening fyrir hann.

Clinton einfaldlega er uppurin með þann pening sem hún má löglega fá frá hinum venjulega stuðningsmönnum clinton-veldisins, þar sem hver einstaklingur má aðeins gefa ákveðið topp. Henni er ekki að ganga nógu vel til að fá fleira fólk til að gefa nógu mikið aukalega til að bæta upp fyrir það.

Það sem ég átti annars við með fyrirsögninni á þessari færslu hafði meira að gera með rökræðurnar. Staðreyndin er sú að allar skoðanakannanir og reynslur núna sýna að því meiri tíma sem Obama hefur til að fara þangað sem kosið verður og kynna sig fyrir fólkinu, rífst fylgi hans upp gífurlega hratt og mikið. Því meiri tíma, því meira landslide-i hefur hann unnið með. Of margar debates hefta virkilega mikið möguleika hans á að halda stóra fjöldafundi í fylkjunum sem kjósa næst (enda fær hann uþb 5falt fleiri að lágmarki á sýna fundi en hun á hennar). Því er það stórsniðugt hjá Clinton, sem er með mun minna fjármagn nú til að kynna sig á annan hátt, að reyna að fá margar rökræður - þar sem hún þarf ekkert að borga fyrir þær og tefur Obama þar að auki um leið.

Obama samþykkti einnig -tvær-, ekki eina, á næsta mánuði. Eina í Ohio og eina í Texas. Hann samþykkti engar fyrir það því hann leiðir sterkt í öllum ríkjum sem kjósa í febrúar og getur raðað upp nærri því átta sigrum ef hann hefur tíma til að kynna sig fyrir fólkinu. Ætti að halda að það þurfi nú ekki að rökræða vikulega, fólk getur nú fylgst með þessum rökræðum hvenær sem er hvaðan sem er.

Afsaka einhvern pirring í þessari færslu, en mér hefur fundist fréttaflutningur af þessari keppni innanlands frekar litaður á hlið Clinton; sem hefur gert ansi margt ófagurt í þessari keppni sem fælt hefur fólk frá. T.d. þegar "super tuesday" var litaður sem stór sigur fyrir hana, þegar hún rétt marði að fá fleiri kjörmenn úr sjálfum deginum, rétt marði kaliforníu (frá fyrstu tölum þegar talað var um stórsigur hennar hvarf yfir 20 stiga forysta hennar í uþb 8) og er ennþá undir í kjörmönnum almennt. Einnig var sýnt fram á að Obama vann mun stærra í þeim sem kusu á sjálfan kjördag, hefði m.a. unnið kaliforníu með nokkrum mun, og aðeins var svokallað "early voting", þ.e. fólk sem kaus snemma áður en það hafði kynnst honum, sem breytti stöðu mála.

Fólk talar oft um að tími sé fyrir kvenforseta í BNA, og ég gæti ekki verið meira sammála - en réttan kvenforseta. Ekki einhverja eins og Clinton sem mun skilja eftir sig meiri ósátt en nokkuð annað.

Takk fyrir.

Peningarnir streyma til Obama

Edwards hættur - líkur á Obama/Edwards framboði aukast

John Edwards hefur neitað að styðja hvorki Obama né Clinton eins og er, en hver sem hann styður mun fá stórt stökk fyrir vikið bæði vegna stuðningsmanna hans sem þeim uþb 50 delegates hans sem það mun veita þeim í stuðning.

Engum stjórnmálaspekúlanti ytra er það hulið að honum líkar ekki vel við Hillary Clinton, alveg frá því að hann skoraði á hana að taka ekki peningum frá lobbyists í Washington eins og hann og Obama gera ekki, og hún neitaði, hefur hann verið augljóslega óánægður með hana. Því er talið mun líklegra að hann snúi sér til Obama. Ef svo er, er spurningin hví hann geri það ekki strax? Ekki þykir ólíklegt að það geti að hluta til verið upp á samningsstöðu, bæði til að koma sínum málefnum upp á borð hjá Obama og mögulega til að fá varaforsetastöðuna til að koma ýmsu í verk.

Obama/Edwards? Þótt hingað til hafi mér þótt Obama/Napolitano eða Webb mun líklegra, verður það að teljast álitlegur kostur.

Edwards hættur

Rödd Reykjavíkur

Afmyndun lýðræðis hefur átt sér stað. Mikið glemur hátt í  sumum sjálfstæðismönnum "þetta var gert við okkur, við megum gera þetta". Skólalóðafanturinn sem var ýtt, og lemur í fésið í hefnd við fyrsta tækifærið. Mikið er ég þreyttur á þeim samanburði - sem á sér engan stuðning í raunveruleikanum.

Seinasti meirihluti átti sér gífurlegan stuðning meðal Reykvíkinga almennt, sá fyrsti hafði misst allt traust vegna gjörða sinna þegar hann er felldur. Þjóðfélagið almennt hljóðaði hátt og skýrt um það. Þar var því myndaður nýr meirihluti (meðal annars að undirlagi Ólafs, vel að merkja) sem allar kannanir hafa sýnt að nýtur gífurlegs stuðnings meðal Reykvíkinga.

Nú var hann felldur, ekki því einhver innan meirihlutans ákvað að tími væri til að segja "nóg er komið", heldur því Ólafur, sem hefur varla látið sjá sig, fór bak við samstarfsmenn sína undir merkjum F-listans og stofnað óstarfhæfan meirihluta sem er til skammar - og er svo veikur að sjálfur Borgarstjóri (sem vel að merkja er oft á ferði og flugi vegna starfa sinna) skal mæta á alla fundi. Nú skal sjálfstæðisfólk vona að Ólafur haldi heilsu, ella mun valdagræðgin verða þeim fyrr að falli en næstu kosningum - sem annars mun svo sannarlega verða.

Vel að merkja, réttur er til mótmæla hér á landi. Ef of mikil læti telja vera af því er það réttur forseta borgarstjórnar til að rýma fundinn - en barnalætin finnst mér ekki vera að mótmæla, heldur hitt það fólk hér á netinu sem alhrópar mótmæli sem barnaleik.

Ef vegið er svo að rétti okkar til að láta í okkur heyra, þegar okkur er svo hrikalega misboðið, eigum við að láta í okkur heyra! Þetta fólk er í umboði fólksins að afskræma óskir þess, og þá skal glymja í öllum hornum: Við mótmælum öll!

Hávær mótmæli í Ráðhúsinu

Sigur! Já! Obama '08

Gleðifregnir í morgunsárið, fyrsta lotan búin í forkeppni um tilnefningu til forseta Bandaríkjanna er lokið. Obama vinnur öruggan sigur og framtíð bandaríkjanna er bjartari fyrir vikið.

Hillary er ekki treystandi, sem fulltrúi aristókratahefðar sem hefur svikið flestallt það sem hún hélt upprunalega fram, á margföldum launum frá lobbyist hópum og hún hefur margsvikið og tvístigið orð sín. Vissulega hefði verið gott að fá kvenkyns forseta, en henni er ekki treystandi, alveg þess að auki að talið er að mun meiri líkur yrði á að Obama ynni sjálfar kosningarnar en hún þar eð mjög fáir repúblíkanar segjast telja möguleika á að kjósa hana.

Obama mun hreinsa til í hvíta húsinu, stefnur hans eru stefnur sáttar innan þjóðarinnar, hófsemdar og félagslegra umbóta. Stefnur sem munu taka á grófu valdi lobbyista innan Washington og stilla til friðar við alþjóðasamfélagið. Obama er táknrænn fyrir nýja Ameríku, þar sem hann sjálfur aldist upp að nokkru leiti utan Bandaríkjanna.

Í dag hefst vonandi nýr kafli Bandaríkjanna, kafli leiddur af Barack Obama.

Huckabee og Obama sigruðu

"Hvar er Villi?" bækurnar.

Bróðir minn missti úr sér skemmtilega línu í matarboði um daginn, eitthvað var hann að reyna að muna eftir "hvar er valli?" bókunum og misnefndi þær "hvar er villi?". Að sjálfsögðu var mikið hlegið að þessu, enda þótti sérlega erfitt að sjá hvar hann Villa væri að finna þessa dagana, eins erfitt að festa hendur á hvar maður hefur hann eins og rennsleipan ál.

En nú virðist þó loksins sem við sjáum hann greinilega. Hér er sjálfstæðisormur í sinni verstu mynd grafinn í kistunni, og loksins hefur henni verið lokið upp. Alveg ótrúlegt... verður þessi maður ekki bara að flýja land? Trúir honum einhver fyrir neinu lengur? Mundi einhver ráða þennan mann? Allir óspilltir íslendingar hljóta að fá smá klígju af lygum þessa manns sem við kusum í embætti fyrir hönd höfuðborgar okkar. Og allir hinir spilltu, tja, þeir hljóta nú að sjá að ekki er hann góður lygari og varla góður í starfið!

Ég tek undir áskoranir aðra bloggara til Villa: Segðu sannleikann, einu sinni fyrir allt. Þetta er orðið fáránlegt.

Borgarstjóri upplýstur um samning til 20 ára þann 23. september

Björn Ingi, flensan og spilling í íslenskum stjórnmálum.

Í miðjum alvarlegum samræðum við vinnu í dag bárust mér hin uggvænlegu tíðindi í skilaboðum: "borgin er fallin." - vel orðað og hnitmiðað, borgin er fallin. Mér kom til hugar lína úr hinni nýjustu bók um Harry Potter, "The ministry has fallen. Scrimgeour is dead." á litlum miða. Sem betur fer er hann Villi kallinn nú ekki dauður, þótt ekki muni ég sakna hans!

Annars er nú merkilegt hvað hann veikist hentuglega, hann Björn Ingi. Alveg svakalega finnst mér þessi maður útúrspilltur og gjörsamlega ótreystandi. Ég hef aldrei vitað annað eins. Eða kannski er þetta bara flensan? Ný aukaverkun. Hann var nú líka með hana seinast þegar hann myndaði samstarf um borgarstjórn var það ekki?

Sem samfylkingamaður óska ég Degi til hamingju með borgarstjórnarstólinn og vona að hann standi sig vel. Vonandi sér hann í gegnum Björn Inga jafn vel og flest okkar, ætti ekki að vera erfitt, hann er jafn gegnsær og gler, og drullan hinum megin er nú ekkert lítil.

Ný stjórn í Reykjavík og skref í rétta átt, þótt við höldum mesta skítalabbanum er hitt þó allavega mjög góð skipti. Verður vonandi smá vorhreingerning á baktjaldaruglinu í borgarstjórn, Dagur kallar inn hreingerningaliðið, þess er að vona...

Þetta er víst ágætis dagur eftir allt saman. Því, jú...

Borgin er fallin.

Samkomulag um nýjan meirihluta handsalað klukkan 14