Oh, snap!

Tærasta snilld. Íran er án efa hrikalegur staður fyrir marga írani sem aðhyllast ekki sama hugsunarhátt og stjórnvöldin, og Byltingarvörðurinn er sekur um margt tengt því innanlands. CIA er því mun minna slæm innanlands... en utanlands er enginn efi á því að CIA hefur valdið mun meiri skaða og rugli. Og er það ekki mun líkara hryðjuverkastarfsemi, að standa fyrir sabotage á öðrum löndum?

Íranska þingið hefur skopskyn, hver hefði giskað á það? Reyndar háalvarlegt mál, í rauninni, en vá... en yndislegt.

Íranska þingið lýsir CIA hryðjuverkasamtök

Eru danir þunglyndir?

Í rannsóknum um sjálfsmorðstíðni hefur oft komið fram stór lækkun á sjálfsmorðum á stríðstíma, enda leita margir frekar í stríð sem lausn.

 

Því spyr ég, ætli danir séu eitthvað þunglyndir þessa dagana? Sendum þeim nú harðfisk og ópal til að hressa þá við, frændurna! 

Danskir hermenn vilja komast á átakasvæðin

Vá.... jæja, meirihluti hefur komið sér vel.

Ekkert smávegis súrrealískt að sjá þingmenn berjast eins og drukkna og útúrdópaða íslendinga á föstudagsdjamminu niður í bæ.

Annars er þetta líklegast eitt af fyrstu skiptum sem það að vera í meirihluta er gott út af -þessari- ástæðu, þeir hafa eflaust standið saman í látunum. :D

Ættum kannski að taka þetta upp hér á landi, fá Steingrím og Geir til að "step outside" og berjast yfir framtíð landsins.

Slagsmál á þingi Bólivíu

Rugl og vitleysa

Hvaða rugl er maðurinn að láta úr sér? Ég ætla að leyfa honum að njóta vafans og segja að hann sé einungis öfundsjúkur, en ekki vitbrenglaður. Hollywood drasl eins og Bourne myndirnar, sem geta haft skemmtanagildi en eiga samt þúsund síns líka, eru ekki einu sinni nærri því í sama klassa og Bond.

Jú, Bond hefur gömul gildi, en fólki líkar það. Hann er klassísk staðalímynd sem hefur oxið svo að hún er samofin kvikmyndamenningu allra tíma. Og ég er ekki einu sinni sérstakur aðdáandi!

Alveg hrikalega snertir svona Hollywood rugl við einhverjum taugum í mér.

Matt Damon segir James Bond úreltan

Þarna líst mér á karlinn...

Alveg andskoti er hann að standa sig hann Brown. Ég er ekki frá því að hann sé hratt á leiðinni til að vera einn uppáhalds stjórnmálamaðurinn minn.

Glæsilegar hugmyndir allflestar. Lýðræði í sönn, vilji fólksins og ekkert rugl.  Realpolitik.

Líst vel á að hann sé aðeins að hreinsa til áður en ég flyt til hans!

Brown vill nýja stjórnarskrá og þjóðaröryggisráð

Áskorun á íslenskan almenning:

Hættið þessari hræsni!

Þessi þjóð keyrir á ofsahraða hvern einasta dag, 95% af fólki keyrir yfir hámarkshraða 90% af tímanum. Hell, LÖGGAN hefur oftar en einu sinni og oftar en tvisvar tekið fram úr okkur skötuhjúunum þegar við erum -á- hámarkshraðanum (án ljósa).

Samt er fólk að brjálast í múgæsingu yfir þessu ástandi? Jú vissulega keyra einhverjir of hratt, og vissulega á að stöðva slíkt. En það er eitthvað að þegar við erum komin svo langt í múgæsingu að við séum farin að réttlæta morð.

Á að fara að skjóta alla sem stunda hraðakstur á bílum eða velta bílunum þeirra ofan í skurði? Móturhjól á svona hraða á naglabelti er DAUÐADÓMUR. Ég ætla nú andskotans að vona að við höfum betri hluti til að laga í réttarkerfinu okkar áður en við förum að drepa fyrir hraðakstur. Til dæmis refsingar gegn nauðgunum og þesslags, sem ÞARF í alvöru að gera?

Gerið það fyrir mig, gott fólk, íhugið aðeins áður en þið takið þátt í múgæsingu. Við erum siðmenntað ríki, getum ekki farið að gleyma okkur í lögleiðingu siðvillu eins og þessarar.

Tek fram að ég er ekki bifhjólamaður, hef aldrei verið og mun líklegast aldrei verða. Ég er bara þáttakandi í umferðinni sem er ósáttur við tvískinnungshátt hins sama almennings og er oft að stefna mér og kærustunni (sem reynum að fylgja settum reglum) í hættu með þursaskap. Stundum finnst mér ég heppinn að lifa af, bara...

Stöndum við reglurnar sjálf áður en við dæmum, og dæmum þá sanngjarnt. Verum á MÓTI löglegum dauðarefsingum fyrir umferðarbrot án dóms og laga.

Lögreglan fái búnað til að stöðva hraðakstur bifhjóla

Og þá spyr ég...

Hvað kostar svona ferð mikið og hvað græddist eiginlega svona mikið á henni að það liggji á svona ferðum? Hvað væri hægt að bjarga miklu af ruglinu á þessarri plánetu með þessum pening?

Maður spyr sig.

En á skemmtilegri nótum: Gleðilegan kvennadag, konur!

Atlantis snýr heim í dag

Taka Boondock Saints á þetta

Man einhver eftir þeirri klassamynd? Ætla rétt að vona.

 

Ég undraðist alltaf á því að það sé ekki algengt að fólk geri þetta. Ekki það að ég sé almennt stór fyrir svona "vigilante" dæmi, en já... ég sé alveg fyrir mér aðstæður sem gætu leitt mig út í þannig. Svona fólk, eins og þessi hringur, á bara því miður ekkert betra skilið.

Merkilegt hvað svona vinstrisinnaður maður eins og ég að öllu öðru leyti getur verið alveg sérlega harður á refsingum. Ég er alveg grjótharður stuðningsmaður dauðarefsingra, SNÖGGRA og kostnaðarlausra, svona "chop their heads off and be done with it" dauðarefsinga - í sumum tilvikum finnst mér það bara algjörlega réttlætanlegt. ;)

Í alvöru talað, það þarf að breyta fangelsum hér úr skemmtigörðum í FANGELSI, minni ofur-aðhlúningu, þyngri dóma fyrir ofbeldisbrot og kynferðisbrot, dauðarefsingu: taka á viðbjóð eins og þessum hér á landi áður en hann nær varanlegum rótum í þjóðfélaginu - eins og ég er ansi hræddur um að hann hafi nú þegar. Mjög scary statistíkur til um fjölda krakka misnotaði hér á landi...

Boondock Saints er málið.

Ekki vitað til þess að Íslendingar tengist barnaklámshring

Ekkert nema svalt!

Djöfulli þarf maður að vera djarfur, ég bara dáist að þessum þjófi. Glæsilegt...

Armbandsúri George Bush stolið í Albaníu?

Katrín Jakobsdóttir: Þinn tími er kominn?

Lengi hefur mér fundist Katrín Jakobsdóttir með björtustu hugum og sálum okkar íslendinga og okkur er sómi í að hafa slíka kraftakonu á Alþingi.

Nú held ég að sé ljóst að tómahljóð er komið í hina annars mjög kraftmiklu trommu sem Steingrímur er. Ekki verður tekið af manninum að hann er góður ræðumaður um sum mál, en hann skortir það sem Vinstri Grænir þurfa: Charisma fyrir víðari hóp kjósenda, smá meiri klókindi og aðeins minni sjálfsumgleði, sterka forystu fyrir aðalmálefni þeirra kjörhóps og minna af hans sérvisku.

Það er kominn tími á Steingrím formann. Ég kaus xS nú, en hef lengi þar áður verið vinstri grænn. Að hluta til fældi formaðurinn og stefnumál hans mig í burtu.

Katrín Jakobsdóttir: Þinn tími er kominn! Taktu við karlanganum, í sátt og góðu. Vinstri Græn hafa fengið sína brenniskírn í stjórnmálum, nú þarf að taka það efni sem til er og móta skírari og sterkari stjórnmálaflokk sem er stjórnhæfur og klókur. Katrín er rétta konan til þess.

Ég skora einnig á Steingrím að létta aðeins á biturleikanum og "fara á braut með reisn". Það er nokkuð augljóst að annars er hann bara að fara að draga VG niður í svaðið með sér, ef hann reynir að hanga í þessu... og sama hvað mörgum hægrimönnum finnst, er margt sem VG stendur fyrir sem þarf að koma í gegn í þessu þjóðfélagi. Losna við Steingrím og helstu forsjárhyggjuna og fornaldarhugsunina, áfram til framtíðar!

Steingrímur J. Sigfússon: Samfylkingin gafst upp